60% af launum í fæðingarorlofi.

Jæja þá er að líða fyrsti mánuðurinn af fæðingarorlofinu og fékk í dag borgað frá fæðingarorlofssjóði. Vissi svo sem hvað það yrði, en hélt kannski að þetta yrði leiðrétt hjá mér.

Þrátt fyrir að fögur loforð um að fæðingarorlof ætti ekki að hafa í för með sér skerðingu á öðru fæðingarorlofi varð þetta raunin, ekki tekið mið af einum mánuði sem ég var í orlofi áður og svo 80 % af 80 % af hinum mánuðunum. Svo eru þetta laun frá ´05 og ´06 svo þetta er raunin 60 % laun.

Athugasemdir

[Þorsteinn Sverrisson, 30.4.2008 kl. 22:05]

Þetta fæðingarorlofskerfi er meingallað.  Í fyrsta lagi finnst mér að það eigi ekki að skipta sér af því hvernig faðirinn eða móðirin skipta því á milli sín.  Í öðru lagi er ekki sanngjarnt að fólk sem eignast börn ungt t.d. námsmenn fái miklu minna fæðingarorlof en þegar þeir sem eignast börn á efri árum þegar tekjurnar eru orðnar hærri. Fólk sem er kannski með sömu ævitekjur að meðaltali.