Ekki sparnaður að skipta upp Lögreglustjóranum á Suðurnesjum

Í gær þann 4.5.2008 skrifar Björn Bjarnason pistil á síðu sinni og er hann meðal annars um Lögreglustjórann á Suðurnesjum. Björn segir þar

" Svo oft hef ég bent á, að ég er ekki að leggja fram tillögur um sparnað heldur leið til að embættið starfi innan fjárheimilda sinna"

Ég hélt að það hefði átt að vera hagræðing af þessu breytingum en nú er komið í ljós að þær eru ekki til að spara. Þetta er sem sagt til að embættið kosti meira?

60% af launum í fæðingarorlofi.

Jæja þá er að líða fyrsti mánuðurinn af fæðingarorlofinu og fékk í dag borgað frá fæðingarorlofssjóði. Vissi svo sem hvað það yrði, en hélt kannski að þetta yrði leiðrétt hjá mér.

Þrátt fyrir að fögur loforð um að fæðingarorlof ætti ekki að hafa í för með sér skerðingu á öðru fæðingarorlofi varð þetta raunin, ekki tekið mið af einum mánuði sem ég var í orlofi áður og svo 80 % af 80 % af hinum mánuðunum. Svo eru þetta laun frá ´05 og ´06 svo þetta er raunin 60 % laun.

Það getur verið erfitt að halda sig við staðreyndir

Það kemur ekki á óvart frekar en fyrri daginn að Ungir Jafnaðarmenn geta ekki haldið út einni ályktun án þess að fara með rangfærslur.

 Er til of mikils ætlast að fólk kynni sér hlutina áður en það fer að tjá skoðanir sínar á þeim.

UJ hafna hugmyndum um varalið lögreglu

Björn að draga í land?

Björn Bjarnason segir í dag á síðu sinni bjorn.is

“Í skýrslu ríkisendurskoðunar, sem þarna er nefnd, er einmitt hreyft hugmyndum um, að öll tollgæsla í landinu verði sameinuð undir einn hatt á forræði fjármálaráðuneytis. Tillagan um breytingar á Suðurnesjum er skref í þá átt. Má skilja fréttina þannig, að þingmenn Samfylkingar geti felt sig við breytingar á Suðurnesjum, ef sama gildi um tollgæslu í landinu öllu? Hefur einhvers staðar komið fram, að það sé ekki langtímamarkmið fjármálaráðuneytis?”

Má þá skilja ráðherrann þannig að það eigi að gera breytingarnar hægt en ekki heildstæðar breytingar, á að vera að breyta einu og einu samtals 8 sinnum. Því lögreglu- og tollstjórar landsins eru jú 7.  Kæri Björn er ekki farsælla að breyta einu sinn ef breyta á?

Þetta er auðvita fjarstæða hjá ráðherranum. Á að vinna finna upp hjólið oft, ef um heildstæðar breytingar á yfirstjórn tollgæslu væri að ræða væri það gert í einu frumvarpi en ekki á þennan hátt. Kannski er þetta tilraunarstarfssemi?

Það mín skoðun að það sé ekki gott að gera tilraunir með stafssemi lög- og tollgæslu.

Stórmerkileg rök, eða kannski ekki.

  Ég hef verið að glugga í netmiðlana og blöðin. Því Björn Bjarnason svaraði þingmönnum því til að rök fyrir ákvörðun sinni að brjóta upp embætti Lögreglu- og Tollstjórans á Suðurnesjum væri meðal annars að finna í skýrslu ríkisendurskoðunar frá nóvember 2007 um aðgerðir gegn innflutningi fíkniefna. Svo ég leit á þessa skýrslu og sé ekki betur en að í henni sé að finna ágætis rök en ég finn líklega ekki þau rök sem Björn er að vísa í. Dómsmálaráðuneytið er nefnilega bara búið að segja að það séu rök fyrir þessari ákvörðun en vegna hluta sem eru mér alveg dulin virðist alveg ómögulegt að fá að sjá þessi rök. Björn bendir á í pistli á síðu sinni að  “Í nóvember 2007 gaf ríkisendurskoðun út skýrslu um stjórnsýsluúttekt á tollgæslu gegn fíkniefnum og þar kemur fram, að skynsamlegt sé að stofna embætti ríkistollstjóra, sem fari með fjármálastjórn og boðvald á landsvísu. Eðlilegt er að fara að þessari tillögu og er ákvörðun mín um að fjármálaráðuneyti fari með tollgæslu á Keflavíkurflugvelli í samræmi við hana.” Hvernig tengist ákvörðun Björns um að færa rekstur tollgæslunnar á Suðurnesjum annað og stofnun embætti ríkistollstjóra? Það get ég með engu móti séð. Þá er í sömu skýrslu, sem kannski má benda á að ríkisendurskoðun gerði vegna aðgerða gegn innflutningi á fíkniefnum almennt en ekki sérstaklega gagnvart einni stofnun. Bent á að  “Ríkisendurskoðun telur þó að nýta megi betur þá fjármuni sem varið er tilþessa verkefnis með vissum breytingum á umgjörð eftirlitsins, bættum aðferðumvið áhættustjórnun og efldri samvinnu stofnana.”

Ekki veit ég hvort það þarf að skýra út fyrir stjórnmálamönnum að hjá Lögreglu- og Tollstjóranum á Suðurnesjum eru margir hlutar embættisins sem eru notaðir í samvinnu tollgæslu og löggæslu. Ég þori því að fullyrða það að reka embættin aðskilin kostar meiri peninga en að reka þá saman.

 

Björn Bjarnason hefur haft gaman af því að benda á að fjárlög séu einnig lög og Jóhann R. Benediktsson hafi ekki farið að öllu eftir þeim því embætti Lögreglu- og tollstjórans á Suðurnesjum hafi verið rekið með halla. Því er ekki hægt að neita að er alveg rétt hjá ráðherra og er einkennilegt að ráðherra geri ekkert í því.

 

Það má kannski líka líta á hlutina frá því sjónarhorni að kostaður embættisins er 80% - 85% laun ríkisstarfsmanna. Öllum ætti að vera alveg ljóst að laun ríkisstarfsmanna eru ekkert samkomulagsatriði Jóhanns R. Benediktssonar og starfsmanna hans ( þar á meðal mér ). Heldur hlutir sem er búið að ákveða í kjarasamningum og ekkert er hægt að víkja frá hvorki upp né niður. Eftir standa 15% til 20% sem ég hef ekki þekkingu til að segja hvað fara í en ég veit þó að fjöldi starfsmanna hjá embættinu hefur ekki verið sá sem hann átti að vera en samt er ekki nóg af peningum? Skrítið.